Далучэнне да роднай мовы садзейнічае не толькі ўзбагачэнню мовы дзяцей дашкольнога ўзросту, але і развівае іх пазнавальныя і інтэлектуальныя магчымасці, пашырае веды пра беларускую культуру, садзейнічае фарміраванню цікавасці і станоўчых адносін да вытокаў культуры беларускага народа.
15 красавіка ў ДУА “Любашаўскі я/с – ПШ” для дзяцей дашкольнага ўзросту быў арганізаваны занятак “Гульнёвы карагод”. У госці да выхаванцаў прыйшлі Несцерка і Буслік. Разам з героямі дзеці ўспомнілі вясновыя народныя святы, народныя прыкметы, чыталі вершы, заклічкі, адгадвалі загадкі, спявалі песні, вадзілі карагоды, ігралі на беларускіх музычных інструментах. З вялікім жаданнем дзеці гулялі ў беларускія народныя гульні “Кола”, “Бусел”, “Ручайкі”, “Грушка”, “Адгадай вясновы гук”. На працягу занятка дзеці пранікліся прыгажосцю і мілагучнасцю роднай мовы.